ທ່ານປະກອບກິດຈະການໃດໜຶ່ງຢູ່ໃນ ສປປ ລາວບໍ?
ກະລຸນາກວດເບິ່ງວ່າ ໂຄງການ REAL ຂອງພວກເຮົາຈະສາມາດຊ່ວຍ ຫຼືເປັນປະໂຫຍດຕໍ່ກິດຈະການຂອງທ່ານໄດ້ແນວໃດ? ແລະທ່ານຈະສາມາດເຂົ້າມາມີສ່ວນຮ່ວມນຳພວກເຮົາໄດ້ແນວໃດ?
ໂຄງການ REAL ສົ່ງເສີມຂະບວນການປະຕິຮູບການສຶກສາຊັ້ນສູງ (HE) ໂດຍມີເປົ້າໝາຍເພື່ອແນໃສ່ເຮັດໃຫ້ການສຶກສາຊັ້ນສູງໃນ ສປປ ລາວ ມີຄວາມສອດຄ່ອງເໝາະສົມກັບຄວາມຕ້ອງການຂອງຕະຫຼາດແຮງງານກໍ່ຄືສັງຄົມ ແລະມີສະເໜ່ດຶງດູດຫຼາຍຂຶ້ນ, ໂຄງການຫຼັກສູດຂອງ HE ໄດ້ຮັບການ ອອກແບບໃຫ້ດີຂຶ້ນ, ໂດຍໃຫ້ມີຄວາມສົມດຸນທາງດ້ານໜ້າວຽກການຮຽນຂອງນັກສຶກສາ, ແລະການສິດສອນກໍ່ມີປະສິດທິພາບຫຼາຍຂຶ້ນ.
ມະຫາວິທະຍາໄລຄູ່ຮ່ວມຈັດຕັ້ງປະຕິບັດໂຄງການ REAL – ມຊ, ມສ, ມຂ ແລະ ມຈ – ກຳລັງພັດທະນາເຮັດວຽກເສີມສ້າງສາຍພົວພັນເຊື່ອມໂຍງ ກັບຕົວແທນຂອງຕະຫຼາດແຮງງານໃຫ້ແໜ້ນແຟ້ນຂຶ້ນໄປເລື້ອຍໆ. ດັ່ງນັ້ນ ຖ້າຫາກວ່າທ່ານແມ່ນຜູ້ປະກອບການ (ນາຍຈ້າງ) / ຕົວແທນອຸດສາຫະກໍາທີ່ສົນໃຈໃນ:
(1) ແລກປ່ຽນຄວາມຄິດຄວາມເຫັນຂອງທ່ານ ກ່ຽວກັບສິ່ງທີ່ຈະເຮັດໃຫ້ ການສຶກສາຊັ້ນສູງມີຄວາມສອດຄ່ອງເໝາະສົມກັບຄວາມຕ້ອງການຂອງຕະຫຼາດແຮງງານກໍ່ຄືສັງຄົມຫຼາຍຂຶ້ນ ແລະເຮັດໃຫ້ນັກສຶກສາທີ່ຈົບ ອອກມານັ້ນມີຄຸນລັກສະນະທີ່ເປັນທີ່ຕ້ອງການຂອງນາຍຈ້າງ ຫຼາຍຂຶ້ນ, ແລະ/ຫຼື
(2) ສະໜັບສະໜູນສະຖາບັນການສຶກສາຊັ້ນສູງ ໃນ ສປປ ລາວ ໃນວຽກງານກະກຽມການຈ້າງງານ-/ ກະກຽມນັກສຶກສາໃຫ້ມີຄວາມພ້ອມ ສຳລັບອຸດສາຫະກໍາຕ່າງໆ, ກະລຸນາຕິດຕໍ່ຜູ້ປະສານງານ ໂຄງການ REAL ປະຈຳມະຫາວິທະຍາໄລຄູ່ຮ່ວມໂຄງການ REAL.
ມຊ | ປອ. ສຸບິນ ສີສະຫວັດ |
ມສ | ທ່ານ ຖາວອນ ພັນມະນີວົງ |
ມຂ | ທ່ານ ນ. ເພັດສະຫວັນ ສົມສີວິລາ |
ມຈ | ທ່ານ ນ. ນົງຄານ ພັນທະນາໄລ |
ຂໍຂໍ້ມູນຕິດຕໍ່ຂອງຜູ້ປະສານງານໂຄງການ REAL ປະຈຳມະຫາວິທະຍາໄລຕ່າງໆ ຜ່ານແບບຟອມຕິດຕໍ່ໃນເວັບໄຊທ໌ນີ້.
ການສຳຫຼວດເກັບກຳຂໍ້ມູນເພື່ອຮູ້ວ່າສັງຄົມລາວຕ້ອງການນັກສຶກສາຈົບຈາກສະຖາບັນການສຶກສາຊັ້ນສູງ ດ້ວຍຄຸນລັກສະນະແນວໃດ
ເດືອນພຶດສະພາ – ມິຖຸນາ 2025 – ໂຄງການ REAL ດຳເນີນການສຳຫຼວດເກັບກຳຂໍ້ມູນ ກ່ຽວກັບສິ່ງທີ່ນັກສຶກສາຈຳເປັນຕ້ອງຮູ້, ສາມາດເຮັດໄດ້ ແລະທັກສະແລະຄວາມສາມາດອັນໃດແດ່ ທີ່ຈະເຮັດ ໃຫ້ນັກສຶກສາ ສາມາດຊອກວຽກເຮັດງານທໍາໄດ້ ຫຼືປະກອບອາຊີບໄດ້ງ່າຍຂຶ້ນ – ພວກເຮົາຈະລົງໄປຫາບັນດາຜູ້ຕາງໜ້າຕະຫຼາດ ແຮງງານ ທີ່ໄດ້ຈ້າງງານນັກສຶກສາທີ່ຈົບຫຼັກສູດປະລິນຍາຕີ ໃນສາຂາວິຊາສະເພາະທີ່ລະບຸໄວ້ຂ້າງລຸ່ມນີ້.
– ເຕັກໂນໂລຊີອາຫານ,
– ວິສະວະກໍາໄຟຟ້າ,
– ສັດຕະວະແພດ,
– ພາສາອັງກິດ,
– ວິສະວະກໍາໂຍທາແລະຂົນສົ່ງ,
– ວິທະຍາສາດສັດ / ການລ້ຽງສັດ,
– ການພັດທະນາຊົນນະບົດ ແລະການຂະຫຍາຍທຸລະກິດ,
– ການບໍລິຫານຄຸ້ມຄອງທຸລະກິດ, ຫຼື
– ການທ່ອງທ່ຽວ ແລະ ການຕ້ອນຮັບ
ຖ້າກໍລະນີໃດໜຶ່ງໃນຂ້າງລຸ່ມນີ້ຫາກກົງກັບຕົວທ່ານ, ກະລຸນາຕິດຕໍ່ພວກເຮົາ.
ງານກິດຈະກຳເຜີຍແຜ່ ໂຄງການ REAL
ຖ້າທ່ານຢາກຮຽນຮູ້ ແລະ ເຂົ້າໃຈເພີ່ມເຕີມກ່ຽວກັບໂຄງການ REAL ຂອງພວກເຮົາ, ຕໍ່ໄປນີ້ແມ່ນຊ່ວງວັນເວລາທີ່ຈະມີການຈັດງານກິດຈະກໍາເຜີຍແຜ່ຂອງໂຄງການ REAL ໃນອະນາຄົດ ທີ່ທ່ານສາມາດຈະເຂົ້າຮ່ວມໄດ້ ຄື:
[ໃຫ້ຕິດຕາມເບິ່ງຂໍ້ມູນການຈັດງານເຜີຍແຜ່ໃນໜ້ານີ້ ເພື່ອເບິ່ງວັນເວລາ ແລະ ລິ້ງລົງທະບຽນ ເມື່ອມີການແຈ້ງ]
- ວັນທີ 29 ສິງຫາ 2025 – ກອງປະຊຸມເປີດກວ້າງ ຄັ້ງທີ 2 (ທີ່ ນະຄອນຫຼວງວຽງຈັນ)
- ວັນທີ 11 ທັນວາ 2025 – ກອງປະຊຸມເປີດກວ້າງ ຄັ້ງທີ 3 (ທີ່ ນະຄອນຈຳປາສັກ)
- ເດືອນມີນາ 2026 – ກອງປະຊຸມອອນໄລນ໌ ໂຄງການ REAL ກ່ຽວກັບຄຸນລັກສະນະ ຫຼື ໂປຣໄຟລ໌ (profile) ຂອງນັກສຶກສາທີ່ສາມາດຕອບສະໜອງຄວາມຕ້ອງການຂອງສັງຄົມລາວ + ກອງປະຊຸມໂຄງການ REAL ເພື່ອເຜີຍແຜ່ຜົນການສຳຫຼວດທີ່ໄດ້ຈາກການລົງເກັບກຳຂໍ້ມູນໃນ ມຊ, ມສ, ມຈ ແລະ ມຂ
- ເດືອນເມສາ 2026 – ກອງປະຊຸມເປີດກວ້າງ ຄັ້ງທີ 4 (ທີ່ ນະຄອນຫຼວງວຽງຈັນ)
- ເດືອນພຶດສະພາ – ເດືອນມິຖຸນາ 2026 – ການສໍາມະນາທາງວິຊາການໃນຫົວຂໍ້ “ການນໍາໃຊ້ຜົນການຮຽນ ເພື່ອຮັບປະກັນຄວາມເປັນໄປໄດ້” ທີ່ ມຊ, ມສ, ມຈ ແລະ ມຂ
- ເດືອນສິງຫາ 2026 – ກອງປະຊຸມເປີດກວ້າງ ຄັ້ງທີ 5 (ທີ່ ນະຄອນຫຼວງວຽງຈັນ)
- ເດືອນພະຈິກ 2026 – ກອງປະຊຸມວ່າດ້ວຍ “ການເຊື່ອມໂຍງຜົນການຮຽນກັບພາລະໜ້າວຽກຂອງການຮຽນທັງໝົດ ຂອງນັກສຶກສາເປັນອົງປະກອບ ຫຼັກສຳຄັນໃນການປະກັນຄຸນະພາບພາຍໃນ” ຈັດຂຶ້ນຢູ່ ມຊ, ມສ, ມຈ ແລະ ມຂ
- ເດືອນທັນວາ 2026 – ກອງປະຊຸມເປີດກວ້າງ ຄັ້ງທີ 6 (ທີ່ ມຂ, ສະຫວັນນະເຂດ)
- ເດືອນກຸມພາ/ມີນາ 2027 – ກອງປະຊຸມອອນໄລນ໌ຂອງໂຄງການ REAL ກ່ຽວກັບມາດຕະການດຶງດູດນັກສຶກສາເຂົ້າຮຽນ ໃນສະຖາບັນການສຶກສາຊັ້ນສູງ + ກອງປະຊຸມເພື່ອນຳສະເໜີ ແລະແບ່ງປັນຊັບພະຍາກອນຕ່າງໆ ທີ່ຜະລິດຢູ່ ມຊ, ມສ, ມຈ ແລະ ມຂ
- ເດືອນເມສາ 2027 – ກອງປະຊຸມເປີດກວ້າງ ຄັ້ງທີ 7 (ທີ່ ນະຄອນຫຼວງວຽງຈັນ)
- ພຶດສະພາ – ມິຖຸນາ 2027 – ກອງປະຊຸມສຳມະນາທາງວິຊາການວ່າດ້ວຍ “ການຄາດຄະເນໜ້າວຽກຂອງການຮຽນທັງໝົດຂອງນັກສຶກສາ ເປັນພາກສ່ວນພື້ນຖານສຳຄັນສຳລັບການຈັດຕັ້ງປະຕິບັດ OBE” ຢູ່ ໃນ ມຊ, ມສ, ມຈ ແລະ ມຂ.
- ເດືອນຕຸລາ 2027 – ກອງປະຊຸມເປີດກວ້າງ ຄັ້ງທີ 8 (ທີ່ ນະຄອນຫຼວງວຽງຈັນ)
- ເດືອນກຸມພາ – ມີນາ 2028 – ກອງປະຊຸມອອນໄລນ໌ໂຄງການ REAL ວ່າດ້ວຍ “ກົນລະຍຸດທະສາດໃນການດຶງດູດພາກສ່ວນກ່ຽວຂ້ອງຕ່າງໆ ໃຫ້ເຂົ້າມາມີສ່ວນຮ່ວມໃນການປັບປຸງຄວາມສອດຄ່ອງເໝາະສົມ ແລະຮັບປະກັນ ມູນຄ່າເພີ່ມຂອງການສຶກສາຊັ້ນສູງໃນ ສປປ ລາວ + ແຜນກອງປະຊຸມໂຄງການ REAL ເພື່ອປຶກສາຫາລືແລກປ່ຽນກ່ຽວກັບກົນລະຍຸດທີ່ມີປະສິດທິຜົນພາບ ຢູ່ໃນ ມຊ, ມສ, ມຈ ແລະ ມຂ.
- ເດືອນເມສາ 2028 – ກອງປະຊຸມເປີດກວ້າງ ຄັ້ງທີ 9 (ທີ່ ຫຼວງພະບາງ)
- ເດືອນຕຸລາ 2028 – ກອງປະຊຸມເຜີຍແຜ່ລະດັບຊາດ ຂອງໂຄງການ REAL (ທີ່ ນະຄອນຫຼວງວຽງຈັນ)
- ເດືອນພະຈິກ 2028 – ເດືອນມັງກອນ 2029 – ກອງປະຊຸມເຜີຍແຜ່ຜົນສະຫຼຸບການຈັດຕັ້ງປະຕິບັດໂຄງການ REAL ຢູ່ ມຊ, ມສ, ມຈ ແລະ ມຂ
REAL Erasmus+ project: 101177156