ກ່ຽວກັບໂຄງການ

- ສາມ (3) ສາຍງານຫຼັກຂອງໂຄງການ REAL

- ຜົນທີ່ຕ້ອງການເປັນຮູບປະທຳ (key deliverables) ແລະ ຜົນຮັບ (outcomes)

- ໃນໂຄງການ REAL ມີຫຍັງແດ່ທີ່ທ່ານເຫັນວ່າມີປະໂຫຍດຕໍ່ທ່ານ?

ສາມ (3) ສາຍງານຫຼັກຂອງໂຄງການ REAL

ກິດຈະກຳສົ່ງເສີມການປະຕິຮູບການສຶກສາຊັ້ນສູງຂອງໂຄງການ REAL ແມ່ນເຊື່ອມໂຍງກັນຢ່າງເປັນລະບົບ ຜ່ານ 3 ສາຍງານຫຼັກ ຄື:

ສາຍງານຫຼັກທີ 1: ຮັບປະກັນຄວາມສອດຄ່ອງຂອງບັນດາຫຼັກສູດການສຶກສາຊັ້ນສູງ

ກິດຈະກຳສາຍງານຫຼັກ 1 ຂອງ REAL ມີເປົ້າໝາຍເພື່ອເຕົ້າໂຮມພາກສ່ວນຕ່າງໆທີ່ ກ່ຽວຂ້ອງເຂົ້າມາຮ່ວມມືກັນປັບປຸງ ຄວາມສອດຄ່ອງເໝາະສົມຂອງໂຄງການຫຼັກສູດໃນສາຂາວິຊາສະເພາະຕ່າງໆ ແລະຮັບປະກັນມູນຄ່າເພີ່ມຂອງການສຶກສາຊັ້ນສູງໃນ ສປປ ລາວ ໂດຍ:

1) ການຈັດປະຊຸມປຶກສາຫາລືກັບຄູອາຈານ, ນາຍຈ້າງ, ຜູ້ຈົບການສຶກສາ ແລະ ນັກສຶກສາ ກ່ຽວກັບອົງປະກອບທີ່ສຳຄັນທີ່ສຸດຂອງຄຸນລັກສະນະ (ຫຼື ໂປຣໄຟລ໌ (profile)) ຂອງຜູ້ຈົບການສຶກສາ – ຄວາມຮູ້ທາງດ້ານວິຊາສະເພາະ, ທັກສະຕ່າງໆ ແລະ ຄຸນສົມບັດອື່ນໆທີ່ຈຳເປັນ; ເພື່ອຮຽນຮູ້ວ່າໂປຣໄຟລ໌ຂອງນັກສຶກສາຜູ້ທີ່ຈະຈົບການສຶກສາອອກໄປນັ້ນຄວນປະກອບດ້ວຍອົງປະກອບໃດແດ່ ເພື່ອໃຫ້ຕອບສະໜອງໄດ້ຕາມຄວາມຕ້ອງການດ້ານເສດຖະກິດ-ສັງຄົມຂອງປະເທດ, ໂດຍເລີ່ມຈາກບັນດາຫຼັກສູດປະລິນຍາຕີໃນສາຂາວິຊາຕ່າງໆເປັນຈຸດເລີ່ມຕົ້ນ (ເວົ້າສະເພາະແມ່ນເລີ່ມຈາກ 8 ຫຼັກສູດຂອງສາຂາວິຊາທີ່ແຕກຕ່າງກັນ);

2) ໃນບາດກ້າວຕໍ່ໄປແມ່ນເນັ້ນໜັກ ຫຼື ສຸມໃສ່ການປັບປຸງການສື່ສານລະຫວ່າງຕະຫຼາດແຮງງານ, ສັງຄົມທົ່ວໄປ ແລະ ຂະແໜງການສຶກສາຊັ້ນສູງ, ເພື່ອເຮັດໃຫ້ນາຍຈ້າງ ແລະຕົວແທນຈາກບັນດາພາກສ່ວນທີ່ກ່ຽວຂ້ອງ ແລະສັງຄົມລາວໂດຍລວມ ເຫັນໄດ້ຄວາມສອດຄ່ອງເໝາະສົມ ແລະ “ມູນຄ່າເພີ່ມ” ຂອງການສຶກສາຊັ້ນສູງຢ່າງຈະແຈ້ງ.

3) ການຈັດຕັ້ງກິດຈະກຳ 4 ຮອບ ເພື່ອທົດສອບຍຸດທະສາດຕ່າງໆ ໃນການດຶງເອົາບັນດາພາກສ່ວນກ່ຽວຂ້ອງສຳຄັນຕ່າງໆ ເຂົ້າມາມີສ່ວນຮ່ວມໃນການປັບປຸງຄວາມສອດຄ່ອງເໝາະສົມ ແລະ ຮັບປະກັນມູນຄ່າເພີ່ມ ຂອງການສຶກສາຊັ້ນສູງໃນ ສປປ ລາວ, ເພື່ອກຳນົດຍຸດທະສາດທີ່ມີປະສິດທິຜົນສູງສຸດ ແລະ ແບ່ງປັນຍຸດທະສາດດັ່ງກ່າວນັ້ນ ໃນລະ ດັບຊາດ.

ສາຍງານຫຼັກທີ 2: ຮັບປະກັນຄວາມເປັນໄປໄດ້ຂອງບັນດາຫຼັກສູດຕ່າງໆຂອງການສຶກສາຊັ້ນສູງ

ບັນດາກິດຈະກຳໃນສາຍງານຫຼັກທີ 2 ຂອງໂຄງການ REAL ມີຈຸດປະສົງເພື່ອສົ່ງເສີມການຈັດຕັ້ງປະຕິບັດ ສອງກົນໄກຫຼັກທີ່ຈຳເປັນເພື່ອ ຮັບປະກັນຄວາມຍືນຍົງຄົງຕົວ ຂອງຫຼັກສູດການສຶກສາຊັ້ນສູງ ແລະ ສະໜັບສະໜູນສົ່ງເສີມການປັບປຸງໂຄງສ້າງ ແລະນະວັດຕະກຳແບບຍືນຍົງ ໃນຂັ້ນລະບົບການສຶກສາຊັ້ນສູງຂອງ ສປປ ລາວ:

(i) ນຳໃຊ້ຜົນການຮຽນຮູ້ (LOs) ເພື່ອຢັ້ງຢືນວ່າ ຄຸນລັກສະນະຂອງຜູ້ຈົບການສຶກສາຕາມທີ່ຕ້ອງການນັ້ນ (ຕາມທີ່ລະບຸໄວ້ໃນ LOs ຂອງຫຼັກສູດ) ນັກສຶກສາສາມາດບັນລຸໄດ້ຈິງໂດຍທີ່ພວກເຂົາເຈົ້າສາມາດເສັງຜ່ານບັນດາວິຊາຕ່າງໆທີ່ມີຢູ່ໃນໂຄງການຫຼັກສູດ (ແລະ LOs ຂອງວິຊາເຫຼົ່ານັ້ນໆ);

(ii) ເຮັດໃຫ້ເຫັນຢ່າງຊັດເຈນໜ້າວຽກຂອງການຮຽນທັງໝົດ ທີ່ນັກສຶກສາຕ້ອງໃຊ້ເພື່ອບັນລຸ LOs ທັງໃນລະດັບວິຊາ ແລະ ລະດັບຫຼັກສູດ, ເຊິ່ງເປັນກົນໄກຮັບປະກັນ ຄຸນນະພາບພາຍ ໃນອັນທີສອງ ເພື່ອຮັບປະກັນວ່າເປົ້າໝາຍຜົນການຮຽນທີ່ກຳນົດໄວ້ (LOs) ແມ່ນເປັນໄປໄດ້ ແລະ ສາມາດບັນລຸໄດ້ຕາມເວລາ ທີ່ກຳນົດໃຫ້ແຕ່ລະລາຍວິຊາ ແລະ ຫຼັກສູດທັງໝົດ.

ສາຍງານຫຼັກທີ 3: ຮັບປະກັນປະສິດທິພາບການສິດສອນ

ກິດຈະກຳສາຍງານຫຼັກ 3 ຂອງໂຄງການ REAL ມີເປົ້າໝາຍເພື່ອ ຮັບປະກັນປະສິດທິພາບການສິດສອນທີ່ຈຳເປັນເພື່ອຈັດຕັ້ງປະຕິບັດ ແລະ ຕິດຕາມຂະບວນ ການປະຕິຮູບການສຶກສາຊັ້ນສູງ. ກິດຈະກຳຂອງສາຍງານຫຼັກທີ 3 ຂອງ REAL ຊ່ວຍສົ່ງເສີມການພັດທະນາຄວາມສາມາດໃນຂັ້ນບຸກຄົນ, ທີມງານພັດທະນາຫຼັກສູດ ແລະ ມະຫາວິທະຍາໄລ:

ພະນັກງານຄູສອນແຕ່ລະທ່ານຈະໄດ້ໝູນວຽນກັນເຂົ້າຮ່ວມຝຶກອົບຮົມ 6 ຄັ້ງໃນສາຍງານຫຼັກທີ 3: ໃນເບື້ອງຕົ້ນ ພວກເຂົາເຈົ້າສົນທະນາກັບນັກສຶກສາກ່ຽວກັບປັດໄຈທີ່ເຮັດໃຫ້ການສິດສອນມີປະສິດທິພາບ, ສຶກສາຮຽນຮູ້ຈາກຜົນການຄົ້ນຄວ້າ ແລະ ວິທີປະຕິບັດທີ່ດີ, ນຳໃຊ້ນະວັດຕະກຳໃໝ່ເຂົ້າໃນການສອນຂອງພວກເຂົາເຈົ້າ, ຖອດຖອນບົດຮຽນຈາກການທົດລອງເຫຼົ່ານັ້ນ, ແລະກຳນົດເປົ້າໝາຍໃໝ່ໃນການພັດທະນາຄວາມເປັນມືອາຊີບເພື່ອກາຍເປັນຕົວແທນການຮັບປະກັນຄຸນ ນະພາບພາຍໃນ (IQA) ແລະ ອາຈານສອນຜູ້ຫ້າວຫັນໃນສະຖາບັນການສຶກສາຊັ້ນສູງທີ່ພ້ອມຈັດຕັ້ງປະຕິບັດແນວທາງການສຶກສາໃນແບບອີງໃສ່ຜົນການຮຽນ (OBE) ເປັນຫຼັກ.
ທີມງານໂຄງການ REAL (RPTs) ອອກແບບ ແລະ ຈັດຝຶກອົບຮົມ ຄູອາຈານໃນ 6 ຫົວຂໍ້ຫຼັກ (6 ຄັ້ງຕະຫຼອດໂຄງການ) – ວິທີການຮຽນຮູ້-ຜ່ານ-ການສອນນີ້ ຮັບປະກັນໃຫ້ສະມາຊິກ RPT ສາມາດພັດທະນາ ຄວາມສາມາດຕົນເອງ ແລະ ສາມາດຊ່ວຍຄູອາຈານຜູ້ອື່ນໆພັດທະນາຄວາມສາມາດຂອງພວກເຂົາເຈົ້າໄດ້ເຊັ່ນກັນ.
ໃນຂັ້ນມະຫາວິທະຍາໄລ, ໜ່ວຍງານໂຄງການ REAL ຂັ້ນມະຫາວິທະຍາໄລ (RIUs)
- ສ້າງຊຸດເອກະສານສຳລັບການຝຶກອົບຮົມ ນຳໃຊ້ OBE (ການສຶກສາໂດຍອີງໃສ່ຜົນການຮຽນເປັນຫຼັກ) ແລະ IQA (ການຮັບປະກັນຄຸນນະພາບພາຍໃນ) ສຳລັບຄູອາຈານ, ແລະ
- ຕົກລົງເຫັນດີກໍານົດຜົນການຮຽນຮູ້ຂອງການຝຶກອົບຮົມຕໍ່່ເນື່ອງເພື່ອພັດທະນາວິຊາຊີບຄູແບບຍືນຍົງ

– ທັງໝົດນີ້ແມ່ນເພື່ອຊ່ວຍໃຫ້ມະຫາວິທະຍາໄລມີແຫຼ່ງຊັບພະຍາກອນ ນຳໃຊ້ເຂົ້າໃນການຕິດຕາມປະສິດທິພາບການສິດສອນ ແລະ ຂະບວນການປະຕິຮູບການສຶກສາຊັ້ນສູງໂດຍລວມ.

6 ຫົວຂໍ້ຈຸດສຸມສຳຄັນມີດັ່ງນີ້:

ມີວິທີການແນວໃດໃນການກະຕຸ້ນນັກສຶກສາໃຫ້ມີສ່ວນຮ່ວມໃນການຮຽນ ແລະ ຊ່ວຍໃຫ້ພວກເຂົາເຈົ້າສາມາດຈັດການກັບຄວາມລົ້ມເຫຼວໃນການຮຽນກໍ່ຄືໃນຊີວິດຈິງ?
ມີວິທີການແນວໃດໃນການນຳເອົາຫຼັກການການຮຽນຮູ້ແບບມີສ່ວນຮ່ວມ (active learning) ເຂົ້າໄປໃຊ້ໃນການອອກແບບ ແລະ ຈັດຕັ້ງປະຕິບັດຫຼັກສູດ?
ມີວິທີການປະເມີນຄວາມສອດຄ່ອງເໝາະສົມຂອງຫຼັກສູດແນວໃດ?
ມີວິທີການແນວໃດເພື່ອຊ່ວຍນັກສຶກສາໃຫ້ຍອມຮັບການສຶກສາແບບ OBE?
ມີວິທີການຊ່ວຍນັກສຶກສາໃຫ້ມີຍຸດທະສາດການຮຽນຮູ້ທີ່ມີປະສິດທິພາບ ແລະ ກາຍເປັນນັກຮຽນຮູ້ຕະຫຼອດຊີວິດ ໄດ້ແນວໃດ?
ຄູອາຈານສະຖາບັນການສຶກສາຊັ້ນສູງຕ້ອງມີຄວາມສາມາດໃດແດ່ ເພື່ອຈັດຕັ້ງການຮຽນການສອນແບບ OBE?

ຜົນທີ່ຕ້ອງການເປັນຮູບປະທຳ (key deliverables) ແລະ ຜົນຮັບ (outcomes)

ເອກະສານ “ຄຸນລັກສະນະ (ໂປຣໄຟລ (profile)) ຂອງນັກສຶກສາຜູ້ທີ່ຈະຈົບທີ່ຕອບສະໜອງໄດ້ຕາມຄວາມຕ້ອງການຂອງສັງຄົມ” ລາຍງານຜົນ ການສຳຫຼວດຄວາມຄິດເຫັນຈາກພາກສ່ວນກ່ຽວຂ້ອງຕ່າງໆ ກ່ຽວກັບປັດໄຈສຳຄັນທີ່ຈະເຮັດໃຫ້ ໂປຣໄຟລນັກສຶກສາທີ່ຈະຈົບການສຶກສາມີຄວາມສອດຄ່ອງເໝາະສົມ
“ມາດຕະການດຶງດູດນັກສຶກສາເຂົ້າມາສຶກສາໃນສະຖາບັນການສຶກສາຊັ້ນສູງ” ເປັນເອກະສານຄູ່ມືແນະນຳພ້ອມໃຊ້ ທີ່ຈະຊ່ວຍສະໜັບສະໜູນບັນດາໜ່ວຍງານຂອງສະຖາບັນການສຶກສາຊັ້ນສູງ ທີ່ຮັບຜິດຊອບຈັດຫານັກສຶກສາໃໝ່ ໃນໜ້າວຽກໃຫ້ຄວາມກະຈ່າງແຈ້ງແກ່ຜູ້ຈະເປັນນັກສຶກສາໃໝ່ໃນອານາຄົດ ແລະ ຄອບຄົວຂອງເຂົາເຈົ້າເຫັນໄດ້ເຖິງສະເໜດຶງດູດໃຈຂອງການສຶກສາຊັ້ນສູງຂອງລາວ, ແລະ ໃນອີກດ້ານໜຶ່ງ ກໍ່ຍັງຊ່ວຍໃຫ້ສະຖາບັນການສຶກສາຊັ້ນສູງ ແລະ ນັກສຶກສາທີ່ຈົບການສຶກສາອອກໄປ ເຫັນໄດ້ຄຸນຄ່າເພີ່ມຂອງການສຶກສາຊັ້ນສູງ ແລະ ສາມາດອະທິບາຍໃຫ້ນາຍຈ້າງຊາບໄດ້ວ່າມີອັນໃດແດ່.
ເອກະສານ “ຍຸດທະສາດໃນການດຶງດູດບັນດາພາກສ່ວນທີ່ກ່ຽວຂ້ອງຕ່າງໆ ເຂົ້າມາຮ່ວມກັນປັບປຸງຄວາມສອດຄ່ອງ ເໝາະສົມຂອງຫຼັກສູດ ແລະ ຮັບປະກັນ ມູນຄ່າເພີ່ມຂອງການສຶກສາຊັ້ນສູງໃນ ສປປ ລາວ” ໃນເອກະສານນີ້ແມ່ນຈະໄດ້ນຳເອົາບົດຮຽນ ທີ່ຖອດຖອນໄດ້ ກ່ຽວກັບວິທີການທີ່ ສະຖາບັນການສຶກສາຊັ້ນສູງຂອງ ລາວສາມາດ ເຊີນຊວນພາກສ່ວນທີ່ກ່ຽວຂ້ອງຕ່າງໆ ເຂົ້າມາມີສ່ວນຮ່ວມ ໃນການຮັບປະກັນ ຄວາມສອດຄ່ອງເໝາະສົມຂອງຫຼັກສູດການສຶກສາຊັ້ນສູງພາຍໃນ ສປປລາວ ເພື່ອດຶງດູດຜູ້ຮຽນເຂົ້າມາສຶກສາຫຼາຍຂຶ້ນ ແລະ ສ້າງໃຫ້ພວກເຂົາເຈົ້າມີຄວາມພ້ອມສໍາລັບການຈ້າງງານ (ຫຼືເຮັດທຸລະກິດຂອງຕົນເອງ).
“ແນວທາງການດຶງດູດພາກສ່ວນທີ່ກ່ຽວຂ້ອງຕ່າງໆ ເຂົ້າມາມີສ່ວນຮ່ວມ ໃນການປັບປຸງຄວາມສອດຄ່ອງເໝາະສົມຂອງຫຼັກສູດ ແລະ ຮັບປະກັນ ມູນຄ່າເພີ່ມຂອງການສຶກສາຊັ້ນສູງໃນ ສປປລາວ” ຕົວຊີ້ບອກເຖິງວິທີການລະບຸຮູບແບບການປະຕິບັດທີ່ດີທີ່ສຸດໃນຂອບໂຄງການ ທີ່ສາມາດຖອດຖອນໄດ້ ແລະບັນຈຸເປັນພາກໜຶ່ງໃນບົດລາຍງານການຮັບປະກັນຄຸນນະພາບພາຍໃນ (IQA) ແລະບົດລາຍງານການປະຕິບັດແນວທາງການສຶກສາໂດຍອີງໃສ່ຜົນໄດ້ຮັບ (OBE).
ເອກະສານ “ການສ້າງແຜນທີ່ແບ່ງຄວາມຮັບຜິດຊອບຕໍ່ມາດຖານຜົນການຮຽນຮູ້ຈາກຫຼັກສູດສູ່ລາຍວິຊາ (curriculum mapping) ໂດຍອີງໃສ່ຜົນການຮຽນຮູ້ (LOs)”, ເອກະສານດັ່ງກ່າວນີ້ແບ່ງປັນຕົວຢ່າງ ການແບ່ງຄວາມຮັບຜິດຊອບຕໍ່ຜົນການຮຽນຈາກໂຄງການຫຼັກສູດລວມສູ່ບັນດາລາຍວິຊາ, ໂດຍມີຄໍາປະກອບຄວາມຄິດເຫັນກ່ຽວກັບຄວາມເປັນໄປໄດ້ຂອງໂຄງການຫຼັກສູດ ແລະຄໍາແນະນໍາໃນການຈັດຕັ້ງປະຕິບັດ OBE ແລະ ແນະນໍາກົນໄກ IQA ທີ່ໜ້າເຊື່ອຖື ເຊິ່ງເຊື່ອມຕໍ່ກັບການນໍາໃຊ້ LOs ເປັນເຄື່ອງມືສໍາຄັນໃນການວາງແຜນການຮຽນຮູ້ ໃນຂັ້ນຕໍ່ໄປ.
ເອກະສານການສອນສໍາລັບພະນັກງານຄູອາຈານ ວ່າດ້ວຍ “ຜົນການຮຽນຮູ້ແມ່ນເຄື່ອງມືສໍາຄັນໃນການຈັດຕັ້ງປະຕິບັດແນວທາງການສຶກສາແບບອີງໃສ່ຜົນຮັບ ແລະການຮັບປະກັນຄຸນນະພາບພາຍໃນ.”
ເອກະສານວ່າດ້ວຍ “ຍຸດທະສາດ ແລະ ຂັ້ນຕອນການປະເມີນພາລະວຽກການຮຽນທັງໝົດຂອງນັກສຶກສາ ເພື່ອສະໜັບສະໜູນການໂອນໜ່ວຍກິດ” ເປັນເອກະສານຝຶກອົບຮົມສຳລັບນັກວິຊາການ, ຄູອາຈານ ແລະບຸກຄະລາກອນການສຶກສາຊັ້ນສູງອື່ນໆໃນ ສປປລາວ, ກ່ຽວກັບປະລິມານພາລະວຽກການຮຽນຂອງນັກສຶກສາວ່າມີຫຍັງແດ່, ເຫດຜົນສຳຄັນທີ່ຕ້ອງໄດ້ມີການຕິດຕາມ ແລະ ປະເມີນພາລະວຽກການຮຽນນັກສຶກສາ, ແລະວິທີການໃນການຕິດຕາມ ແລະ ປະເມີນ ແມ່ນເຮັດແນວໃດ?
“ແນວທາງການວາງແຜນການໂອນໜ່ວຍກິດ” ແນວທາງເພື່ອຊ່ວຍສະໜັບສະໜູນວຽກງານ ຂອງສະຖາບັນການສຶກສາຊັ້ນສູງ ແລະ ໂຄງການຫຼັກສູດການສຶກສາຊັ້ນສູງໃນ ສປປ ລາວ ໃນການນຳເອົາຜົນການຮຽນ (LOs) ເຂົ້າໃຊ້ໃນລະດັບໂຄງການຫຼັກສູດ ແລະ ໃນລະດັບລາຍວິຊາຂອງຫຼັກສູດ, ແລະພ້ອມນີ້ກໍ່ສ້າງວັດທະນະທໍາການວັດແທກ ພາລະໜ້າວຽກຂອງການຮຽນທັງໝົດຂອງນັກສຶກສາ, ເພື່ອຕໍ່ໄປຈະໃຫ້ສາມາດໂອນໜ່ວຍກິດລະຫວ່າງສະຖາບັນການສຶກສາຊັ້ນສູງຂອງ ສປປ ລາວ ໄດ້ (ບໍ່ວ່າຈະເປັນລະດັບຊາດ ກໍ່ຄືໃນລະດັບສາກົນ)
“ເອກະສານຝຶກອົບຮົມສໍາລັບນັກວິຊາການ ຄູອາຈານ ເພື່ອຈັດຕັ້ງປະຕິບັດ ແນວທາງການສຶກສາແບບອີງໃສ່ຜົນການຮຽນ (OBE) ແລະການຮັບປະກັນຄຸນນະພາບພາຍໃນ (IQA)” ສາມາດນໍາໃຊ້ໃນການຝຶກອົບຮົມ ເພື່ອກະກຽມນັກວິຊາການ ຄູອາຈານ ໃຫ້ສາມາດຈັດຕັ້ງປະຕິບັດແນວທາງການສຶກສາແບບອີງໃສ່ຜົນການຮຽນ (OBE) ແລະການປະກັນຄຸນນະພາບພາຍໃນ (IQA) ໃຫ້ປະສົບຜົນສໍາເລັດໄດ້.
ເອກະສານຊຸດ “ຜົນການຮຽນເພື່ອການພັດທະນາຢ່າງຕໍ່ເນື່ອງໃນວິຊາຊີບ (CPD) ເພື່ອກາຍເປັນຄູອາຈານສະຖາບັນການສຶກສາຊັ້ນສູງ (HE) ທີ່ພ້ອມຈະຈັດຕັ້ງປະຕິບັດແນວທາງການສຶກສາແບບອີງໃສ່ຜົນການຮຽນ (OBE)” ເພື່ອສະໜັບ ສະໜູນການປະເມີນຕົນເອງຂອງຄູອາຈານມະຫາວິທະຍາໄລ, ແນະນຳກິດຈະກຳ CPD ແລະ ແຈ້ງໃຫ້ໜ່ວຍງານຂອງສະຖາບັນການສຶກສາຊັ້ນສູງຂອງ ສປປ ລາວ ທີ່ຮັບຜິດຊອບໃນການຮັບຮອງປະສິດທິພາບການສິດສອນ, ລວມເຖິງຜູ້ຮັບຜິດຊອບ IQA ພາຍໃນໂຄງການ ແລະສະຖາບັນການສຶກສາຊັ້ນສູງຕ່າງໆ (HEIs) ໄດ້ຮັບຮູ້.
“ມາດຕະການທາງດ້ານນະໂຍບາຍເພື່ອກຳນົດແນວທາງ CPD ທີ່ຈໍາເປັນສໍາລັບການຈັດຕັ້ງປະຕິບັດແນວທາງການສຶກສາແບບອີງໃສ່ຜົນການຮຽນ (OBE) ແລະການຮັບປະກັນຄຸນນະພາບພາຍໃນສໍາລັບ OBE” ເອກະສານນີ້ໄດ້ກຳນົດໃຫ້ມີການລວມເອົາກິດຈະກໍາ CPD ເຂົ້າໄວ້ໃນລະດັບໂຄງການຫຼັກສູດ ແລະໃນລະດັບສະຖາບັນການສຶກສາຊັ້ນສູງ.

ກ່ຽວ​ກັບ​ໂຄງ​ການ

- ສາມ (3) ສາຍ​ງານຫຼັກ​ຂອງ​ໂຄງ​ການ REAL

- ຜົນທີ່ຕ້ອງການເປັນຮູບປະທຳ (key deliverables) ແລະ ຜົນຮັບ (outcomes)

- ໃນໂຄງການ REAL ມີຫຍັງແດ່ທີ່ທ່ານເຫັນວ່າມີປະໂຫຍດຕໍ່ທ່ານ?

ສາມ (3) ສາຍງານຫຼັກຂອງໂຄງການ REAL

ຜົນທີ່ຕ້ອງການເປັນຮູບປະທຳ (key deliverables) ແລະ ຜົນຮັບ (outcomes)

ໃນໂຄງການ REAL ມີຫຍັງແດ່ທີ່ທ່ານເຫັນວ່າມີປະໂຫຍດຕໍ່ທ່ານ?

ນັກ​ສຶກ​ສາ

ນັກ​ວິ​ຊາ​ການ

ການ​ນຳ​ຂັ້ນ​ສູງ​ຂອງ​ການ​ສຶກ​ສາ​ຊັ້ນ​ສູງ

​ນາຍ​ຈ້າງ

ກ່ຽວກັບໂຄງການ

- ສາມ (3) ສາຍງານຫຼັກຂອງໂຄງການ REAL

ນັກສຶກສາ

ນັກວິຊາການ

ການນຳຂັ້ນສູງຂອງການສຶກສາຊັ້ນສູງ

ນາຍຈ້າງ